Թուրքիայում ասորիները 1915-ի հետ կապված 100-ժամյա հացադուլ են անելու

Թուրքիայում ապրող ասորիներն առաջին անգամ բողոքի են դուրս գալու 1915-ին տեղի ունեցած ցեղասպանության դեմ։

Թուրքական CNNturk-ի փոխանցմամբ՝ Թուրքիայի Մարդինի ասորական միության նախագահ Յուհաննա Աքթաշը նշել է, որ Թուրքիան պետք է առերեսվի անցյալի հետ եւ ճանաչի 1915-ի ցեղասպանությունը։

Աքթաշը շեշտել է, որ Թուրքիայի ասորիները ապրիլի 20-ից 100 ժամյա հացադուլ են սկսելու, որը կավարտվի ապրիլի 24-ին։ Նա ասել է, որ բացի հացադուլից, հունիսին կազմակերպելու են նաեւ «Մեծ երթ» անունը կրող երթ։

«Մեր նպատակն է, որ Թուրքիան ճանաչի ցեղասպանությունը։ Անցած ամեն տարվա համար մեկ ժամ հացադուլ ենք անելու։ Ուզում ենք, որ վերջ դրվի ցեղասպանության ժխտմանը եւ ճանաչվի այն»,-ասել է Յուհաննա Աքթաշը։

http://news.am/arm/news/261032.html