Թուրքիայի արտգործնախարարն առաջարկել է «համատեղ ցավի վրա բարեկամություն կառուցել»

Թուրքիայի արտգործնախարար Մևլութ Չավուշօղլուն հարցազրույց է տվել Habertürk-ին, որի ընթացքում անդրադարձել է նաև 1915-ի դեպքերի (Հայոց ցեղասպանության-Ակունքի խմբ.) 100-ամյակին։

«Ամեն տեղ, ուր այցելում ենք, հարկ եղած նախազգուշացումներն ենք անում։ Եվրոպայի խորհրդարանի նախագահ Մարտին Շուլցը Թուրքիա է այցելելու, նրա հետ էլ ենք հանդիպելու։ Եվրոպայի խորհրդարանի կայացնելիք որոշումը մեզ համար նշանակություն չի ունենա»,– ասել է նա։

«Շատ պետությունների հետ բանակցությունները շարունակում ենք։ Մենք խաղաղություն ենք ուզում, ցանկանում ենք, որ «համատեղ ցավի վրա բարեկամություն կառուցվի»։ Մեր դեսպանները, դիվանագետ ընկերները ջանքեր են գործադրում։ Հայաստանը պետք է տեսնի, որ այսպես շարունակելն անօգուտ է, այդպես չի շարունակվելու»,- ավելացրել է Մևլութ Չավուշօղլուն։

http://www.tert.am/am/news/2015/04/06/chavushoglu/1638616