Գերմանացիներից ներողություն ենք ակնկալում. Դիարբեքիրի Սուրբ Կիրակոս եկեղեցու հիմնադրամի ղեկավար

Դիարբեքիրի Սուրբ Կիրակոս հայկական եկեղեցու հիմնադրամի ղեկավար Էրգյուն Այըքը հարցազրույց է տվել գերմանական dpa գործակալությանը։

Ինչպես տեղեկացնում է գերմանական Deutsche Welle-ի թուրքական ծառայությունը, նա նշել է, որ Առաջին համաշխարհային պատերազմի տարիներին Օսմանյան կայսրության հետ սերտ կապեր ունեցող գերմանացիները մեղքի իրենց բաժինն ունեն Հայոց ցեղասպանության հարցում։

Մերձավոր Արևելքի ամենամեծ եկեղեցին համարվող Սուրբ Կիրակոսի հիմնադրամի ղեկավարը հայտարարել է, որ իր կարծիքով՝ գերմանացիները պետք է պատասխանատվություն կրեն։

Նա նշել է, որ Գերմանիայի դաշնային կառավարությունն առայսօր 1915-ին տեղի ունեցածը «ցեղասպանություն» չի որակել, ինչը կարևոր է։ «Ներողություն խնդրելը բավարար կլինի»,- ասել է նա։

Այըքը նշել է, որ եկեղեցի կառուցելու համար նյութական աջակցությունն ուրախությամբ կընդունեին, քանի որ Սուրբ Կիրակոսի վերակառուցման համար հիմնադրամը 200.000 դոլարի պարտք ունի։

Սուրբ Կիրակոս հայկական եկեղեցին 98 տարվա դադարից հետո 2013 թվականին վերաբացվել էր։

http://www.tert.am/am/news/2015/04/03/germany-ayik/1636230