Էսքիշեհիրի նահանգապետ Ահմեթ Աթաչը Սիվրիհիսար կատարած այցելության ընթացքում եղել է նաև 1881թվականին կառուցված Սուրբ Երրորդություն հայկական եկեղեցում և հետևել վերանորոգման աշխատանքներին։ Այս մասին գրում է թուրքական «Անադոլու» լրատվական գործակալությունը։
ԺՀԿ-ական Աթաչին ընդունել է Սիվրիհիսարի քաղաքապետ Համիդ Յուզյուգյուլյուն, որը նահանգապետին ուղեկցել է քաղաքի պատմական վայրերը՝ Հսկա մզկիթ և Սուրբ Երրորդություն հայկական եկեղեցի, որն իր մեծությամբ երկրորդ հայկական վանական համալիրն է ներկայիս Թուրքիայի տարածքում։
Սուրբ Երրորդություն եկեղեցու վերանորոգման աշխատանքներն սկսվել են 2010 թվականի հունիսին, և ըստ ծրագրի՝ աշխատանքները պետք է ավարտված լինեին դեռևս 2012 թվականի վերջին։
Հավելենք, որ 3 տարի առաջ Սիվրիհիսար այցելած Պոլսո հայոց պատրիարքի փոխանորդ Արամ արքեպիսկոպոս Աթեշյանը հույս էր հայտնել, որ վերանորոգման աշխատանքները համակարգող Թուրքիայի մշակույթի և զբոսաշրջության նախարարությունը թույլ կտա հայկական համայնքին նախկինում որպես գոմաղբի պահեստ օգտագործված այս եկեղեցում պատարագներ մատուցել։
Խնդիրն այն է, որ թուրքական իշխանությունները մտադիր են հայկական եկեղեցին վերանորոգումից հետո դարձնել թանգարան և մշակույթի կենտրոն։
Աղբյուր` Թուրքագիտական պորտալ
AllTurkey.am
Leave a Reply