Tempi ամսագիր. Ապրիլի 24-ին հայերի, թե՞ դահիճների հետ եք լինելու

Ապրիլի 24-ին միջազգային առաջնորդները պետք է ընտրություն կատարեն Հայաստան կամ Թուրքիա այցելության միջեւ: Այս մասին գրում է իտալական Tempi պարբերականը:

«Հարկավոր է ընտրել. գնալ Երեւան եւ հիշատակել Հայոց ցեղասպանության զոհերին, թե՞ Ստամբուլ՝ դահիճներին բավարարելու համար (Գալիպոլիի ճակատամարտի տարելիցը տոնելու համար, որը հատուկ տեղափոխվել եւ նշվելու է ապրիլի 24-ին – խմբ.): Անգլիայի վարչապետ Դեւիդ Քեմերոնն արդեն հայտարարել է, որ չի մեկնի Հայաստան, «չնայած հասկանում է 100-րդ տարելիցի կարեւորությունը»: Քեմերոնն արդեն զբաղված է. այդ օրը նա Թուրքիայում է լինելու:

Իսկ ի՞նչ է անելու Իտալիայի վարչապետ Մաթեո Ռենցին: Այդ մասին նա դեռեւս չի հայտարարել»,- գրում է ամսագիրը:

http://news.am/arm/news/259797.html