Հրապարակվել է Հայոց ցեղասպանության փոխհատուցումների հարցով վերջնական զեկույցը

Հայոց ցեղասպանության փոխհատուցումների հարցերով ուսումնասիրությունների խումբը վերջնական զեկույց է հրապարակել, որը կոչվում է «Արդարության բանաձև. փոխհատուցումներ Հայոց ցեղասպանության համար»։ Այս մասին ասված է Հայոց ցեղասպանության փոխհատուցումների հարցերով ուսումնասիրությունների խմբի պաշտոնական կայքում։

Խումբն այս զեկույցը ավարտել էր 2014թ. սեպտեմբերին։ Այն փոխհատուցումների հարցի իրավական, պատմական, քաղաքական և էթնիկ տեսանկյուններից համապարփակ վերլուծություն է։

Ցեղասպանության ժամանակ առանձին զոհերի եւ ընդհանրապես հայ ազգի կորուստների մասին փոխհատուցման հարցը տարիների շարունակ ուսումնասիրվել է տարբեր գիտնականների կողմից։ Այսուհանդերձ դիսկուրսը հիմնականում սահմանափակ էր եւ պարունակում էր միայն տարածքային եւ գումարային փոխհատուցման վերացական հասկացություններ։ Իսկ Հայոց ցեղասպանության փոխհատուցումների հարցերով ուսումնասիրությունների խմբի զեկույցը համապարփակ եւ մանրամասն վերլուծություն է պարունակում։

Նշենք, որ խումբը ձևավորվել է 2007 թվականին, նրա կազմում ընդգրկված է 4 փորձագետ։ Նրանց առաքելությունն էր նախապատրաստել Հայոց ցեղասպանության հետ կապված փոխհատուցումների հարցով առաջին համակարգված, բազմակողմանի, խոր վերլուծությունը։ Ի սկզբանե ՀՅԴ դրամաշնորհի միջոցով ֆինանսավորվող խմբի անդամներն էին Ալֆրեդ դե Սայասը, Ջերեմեյն Մաքալփինը, Արա Պապյանը եւ Անրի Տերյոն։ Ջորջ Աղաջյանը աշխատում էր հատուկ խորհրդականի պաշտոնում։
http://news.am/arm/news/259720.html