Չավուշօղլուն Ցեղասպանության հարցում սպառնացել է ԱՄՆ-ին և նախապայմաններ ներկայացրել Հայաստանին

Թուրքիայի արտգործնախարար Մևլութ Չավուշօղլուն NTV հեռուստաընկերությանը տված հարցազրույցում անդրադարձել է Հայոց ցեղասպանության 100-ամյակին ԱՄՆ-ի կեցվածքում փոփոխության վերաբերյալ հարցին:

«Հուսով ենք, որ ԱՄՆ-ի դիրքորոշումը չի փոխվի: Հակառակ դեպքում մեր հարաբերությունները շատ կտուժեն, և գիտենք, որ ամերիկյան ղեկավարությունն էլ զգայուն է այդ հարցում»,-ասել է նա:
Նա նշել է, որ հայկական լոբբին այս տարի ավելացրել է ջանքերը:

Պատասխանելով հարցին, թե արդյոք Թուրքիան հարյուրամյակից հետո Արձանագրությունների վերաբերյալ որևէ պլան ունի՞, Չավուշօղլուն ասել է, որ Հայաստանը հարևանների հետ հարաբերությունները պետք է վերանայի:

«Բոլոր հարևան պետությունների հետ խնդիրներ ունեցող երկիրը պետք է մտածի՝ արդյոք ե՞ս եմ սխալ, թե՞ բոլորը: Մենք Հայաստանի հետ հարաբերությունները կկարգավորվենք, սակայն միայն նախապայմանների կատարումից հետո»,-ասել է նա՝ հայտարարելով, թե միայն ցեղասպանության պնդումներից հրաժարվելը քիչ է, «պետք է հետ քաշվի նաև գրավյալ տարածքներից»:

http://www.tert.am/am/news/2015/03/27/tur/1630036