Փաստերը շատ են, տեսնել է պետք. «Ակօս»-ի պատասխանն Էրդողանին

Ստամբուլում լույս տեսնող «Ակօս» պարբերականն արձագանքել է Թուրքիայի նախագահ Ռեջեփ Թայիփ Էրդողանի՝ Հայոց ցեղասպանության մասին փաստաթղթեր ներկայացնելու պահանջին: «Ակօս»-ի խմբագրականը ներկայացնում ենք ստորև.
«Թուրքիայի նախագահ Ռեջեփ Թայիփ Էրդողանը Հայաստանին ու Սփյուռքին է դիմում՝ ասելով՝ «Մեր արխիվներն այստեղ են, Դո՞ւք ինչ փաստեր ունեք»:
Հայերը ցեղասպանությունը ներկայացնելու համար փաստեր ներկայացնելուց կախվածություն չունեն. ինչպես Հրանտ Դինքն էր ասում. «Ամեն հայ մի փաստաթուղթ է»:
Սակայն եթե անպատճառ փաստաթուղթ է պետք, երկու այլ զարգացում կարելի է հիշեցնել: Դրանցից մեկը Վատիկանի արխիվներում Հայոց ցեղասպանության վերաբերյալ նյութերն ու միսիոներների զեկույցներն են, որոնք նոր են հրապարակվում:
Մյուսը Ռայմոնդ Գևորգյանի «Հայոց ցեղասպանությունը» գրքի թուրքերեն թարգմանության հրատարակումն է: Գիրքը ցեղասպանություն տեսած շրջաններից, գյուղերից ու քաղաքներից մեկ առ մեկ մանրամասնելով վկայություններ է ներկայացնում: Փաստեր տեսնել ցանկացողի համար դրանք շատ են: Միայն թե նայել է պետք»:
http://www.tert.am/am/news/2015/03/26/erd/1628963