Պատմաբան Ռայմոնդ Գևորգյանի «Հայոց ցեղասպանություն. ամբողջական պատմություն» գիրքը, որը համարվում է Մեծ եղեռնի մասին պատմող ամենաընդգրկուն աշխատությունը, թարգմանվել է թուրքերեն։ Այս մասին գրում է թուրքական «Բիանեթ» կայքը։
Գիրքը տպագրվել է «Իլեթիշիմ» հրատարակչության կողմից, խմբագիրներն են Ահմեթ Ինսելը և Քերեմ Ունուվարը, թարգմանիչը Այշեն Թաշքենթ Էքմեքչին է։
Նշենք, որ Ռայմոնդ Գևորգյանի «Հայոց ցեղասպանություն. ամբողջական պատմություն» 1167 էջանոց գիրքը ֆրանսերենով լույս է տեսել 2006 թվականին։ Հեղինակը գիրքը գրելիս օգտվել է տարբեր արխիվների փաստաթղթերից և հրապարակված ուսումնասիրություններից, հյուպատոսությունների զեկույցներից, թերթերից և ներկայացրել, թե ինչպես է նախապես ծրագրվել Հայոց ցեղասպանությունը։
Աղբյուր` Թուրքագիտական պորտալ
AllTurkey.am
Հայոց ցեղասպանության մասին 1167 էջանոց գիրքը թուրքերեն է թարգմանվել
•
Leave a Reply