Կիպրոսի թուրքական հատվածում գտնվող հայկական եկեղեցին պատկան մարմինների ուշադրության կարիքն ունի

Սուրբ Մարգար հայկական եկեղեցին պատկան մարմինների ուշադրության կարիքն ունի: Պատմական այս կոթողը անուշադրության է մատնվել ու հանձնվել բախտի քմահաճույքին. գրում է Hye Tert-ը:
Սուրբ Մարգար կամ Մարգարավանք վանական համալիրը գտնվում է Կիպրոսում (ներկայիս թուրքական Իսքենդերիան): Նախկինում ղպտիներին պատկանած կառույցն ավելի ուշ՝ 1425 թվականին հայկական եկեղեցու տնօրինությանն է հանձնվել: Այն երկար տարիներ Սիրիայում, Լիբանանում, Հայաստանում և Կիպրոսում բնակվող հայերի համար հոգևոր կարևոր կենտրոն է եղել:
Օսմանյան շրջանում դռների ու լուսամուտների գույնով պայմանավորված՝ սկսել է կոչվել «Կապույտ վանք»:
Գոյության ընթացքում մի քանի անգամ վանական համալիրը հիմնանորոգվել է: Ժամանակին այստեղ ձեռագիր բազմաթիվ գրքեր են պահվել, որոնցից ամենահինը 1202 թվականին է թվագրված եղել: Այդ գրքերից մի մասը 1947-ին տեղափոխվել է Անթիլիասի հայոց կաթողիկոսարան:
Այս համալիրը հոգևորականների համար ամառանոց է եղել, այստեղ հանգստացել են նաև Կիպրոսում բնակվող շատ հայկական ընտանիքներ:
Սուրբ Մարգարիոսի անվանակոչության օրն այստեղ բազմաթիվ հայեր են հավաքվել, հարիսա եփել: 1974-ից, սակայն, այդ այցերը դադարել են, և վերսկսվել են միայն 2007-ից հետո, երբ եկեղեցին արդեն կիսավեր վիճակում էր:
http://www.tert.am/am/news/2015/03/24/cyprus/1626277