Ներկայիս Թուրքիայի Գազիանթեփ քաղաքում (պատմական Այնթապ) Հայոց ցեղասպանության 100-ամյա տարելիցին ընդառաջ կազմակերպվելու է «Առերեսվում ենք 100 տարվա ցավի հետ» խորագրով միջոցառում:
Ըստ թուրքական «Դեմոկրատ հաբեր» լրատվական կայքի`մարտի 21-ին «Կանաչների կուսակցության» կողմից անցկացվելիք միջոացռումն իրենից ներկայացնելու է հանրության համար բաց քննարկում հանդիսացող համաժողով Հայոց ցեղասպանության թեմայով: Գլխավոր հարցադրումը լինելու է հետևյալը. «Ի՞նչ եղավ Այնթապի մշակութային բազմազանությանը»:
Բանախոսի կարգավիճակով միջոցառմանը ելույթներով հանդես կգան «Կանաչների» կուսակցության խոսնակ Սևիլ Թուրքանը, ԱՄՆ-ում բնակվող ծնունդով Լիբանանցի ակադեմիկոս Խաչիկ Մուրադյանը, խմբագիր, թարգմանիչ Աթիլլա Թույգանը և թարգմանիչ Մուրաթ Ուչաները:
«Կանաչների կուսակցության» Այնթապի կառույցի պատասխանատու Ջելալ Դենիզը, լրագրողների հետ հանդիպմանն ասել է, որ Թուրքիան բազմաթիվ պատմական իրադարձությունների հետ առերեսվելու կարիք ունի, որոնցից գլխավորը Հայոց ցեղասպանությունն է: Վերջինիս խոսքերով իրենց կուսակցությունը ցանկանում է սեփական ներդրումն ունենալ այդ գործում:
http://www.ermenihaber.am/am
Leave a Reply