Գարեգին Բ. Թուրքիայի կողմից Ցեղասպանության ճանաչմանը պետք է փոխհատուցում հետեւի

Եթե Թուրքիան ճանաչի Հայոց ցեղասպանությունը, բնականաբար, ուրախ կլինենք, բայց ճանաչմանը պետք է հետեւի արժանի փոխհատուցումը: Այս մասին մարտի 19-ին «Արարատի ստորոտին» միջազգային մեդիաֆորումի շրջանակում Հայաստանում գտնվող տարբեր երկրների լրագրողների հետ Էջմիածնում հանդիպման ժամանակ հայտարարեց Ամենայն Հայոց Գարեգին Երկրորդ Կաթողիկոսը:

Անդրադառնալով ռումինացի լրագրող Կատալինա Սավայի հարցին, թե Կաթողիկոսն ինչ կոչ կուղղեր Հայոց ցեղասպանությունը չճանաչած երկրներին (այդ թվում՝ Ռումինիային), Գարեգին Երկրորդը պատասխանեց. «Աշխարհի բոլոր երկրները պետք է ավելի բարձր կանգնեն սեփական շահերից, ճանաչեն ու դատապարտեն Հայոց ցեղասպանությունը: Անտարբերությունն ու ժխտումը կհանգեցնեն նման հանցագործությունների կրկնությանը»:

http://news.am/arm/news/257904.html