ԵՐԵՒԱՆ, «Ազատութիւն».- Հարաւային Կովկասի բոլոր խնդիրներուն կեդրոնը Հայաստանն է, «A Haber» կայանին հետ հարցազրոյցի մը ընթացքին ըսած է Թուրքիոյ արտաքին գործոց նախարար Մեւլուտ Չաւուշօղլու:
«Թուրքիան Հայաստանի օգնութեան ձեռք երկարեց, սակայն ան նողկալի ձեւով մերժեց զայն: Երկիր մը, որ խնդիր ունի բոլոր հարեւան երկիրներուն հետ, պէտք է հայելիի մէջ ինքնիրեն նայի», ըսած է նախարարը:
Չաւուշօղլու ընդգծած է, որ Թուրքիա Ապրիլ 24ի նախաշեմին ձեռնարկած է անհրաժեշտ քաղաքական, մշակութային ու դիւանագիտական բոլոր միջոցներուն, Հայաստանի քայլերուն դէմ. «Ապրիլ 24ին, Կալիփոլիի ճակատամարտի տարելիցին նուիրուած միջոցառման ընթացքին, մենք ամբողջ աշխարհին խաղաղութեան եւ բարեկամութեան պատգամ պիտի ուղարկենք», ըսած է ան։
Թուրքիոյ արտաքին գործոց նախարարը նաեւ կարծիք յայտնած է, թէ Միացեալ Նահանգներու նախագահի Ապրիլ 24ի ելոյթը նման պիտի ըլլայ իր նախորդ ելոյթներուն, այլապէս՝ անիկա բացասական կերպով պիտի ազդէ Թուրքիա-Միացեալ Նահանգներ յարաբերութիւններուն վրայ:
http://asbarez.com/arm/217480/
Leave a Reply