Գերմանիայում հոկտեմբերին Հայոց ցեղասպանության հուշարձան է տեղադրվել, իսկ մենք միայն այսօր ենք արձագանքում. «Հաբերթյուրք»

Գերմանիայի Հյուսիսային Վեսթֆալիա երկրամասի Նոյվիդ քաղաքի կենտրոնական պուրակներից մեկում` Բեռլինյան հրապարակում, Հայոց ցեղասպանության հուշարձանի տեղադրումից միայն 5 ամիս անց տեղի թուրքական կազմակերպություններն աղմուկ են բարձրացրել այդ փաստի առթիվ։ Այս մասին հայտնում է թուրքական «Հաբերթյուրք» կայքը։
Թուրքական կայքը գրում է՝ չնայած այն հանգամանքին, որ հուշարձանի բացման հանդիսավոր արարողությանը ելույթներով հանդես են եկել Նոյվիդի քաղաքապետ Նիկոլաուս Ռոթը, Գերմանիայում ՀՀ դեսպանության խորհրդական Աշոտ Սմբատյանը, Նոյվիդի հայ համայնքի ատենապետուհի Ժենիկ Չաթաքը, տեղի թուրքական կազմակերպությունները միայն այսօր են աղմուկ բարձրացրել խաչքարի տեղադրման առթիվ և քննադատել քաղաքային իշխանություններին։
Հիշեցնենք, որ 2014 թվականի հոկտեմբերի 19-ին տեղի էր ունեցել Հայոց ցեղասպանության զոհերի հիշատակին նվիրված խաչքարի օծման արարողությունը, որն իրականացրել էր Հայ Առաքելական եկեղեցու Գերմանիայի թեմի առաջնորդ Գարեգին արքեպիսկոպոս Բեկչյանը:
Աղբյուր` Թուրքագիտական պորտալ
AllTurkey.am