Թուրք ուսանողները Ցեղասպանության ժխտման դեմ ակցիա են իրականացրել

Թուրքիայում Հայոց ցեղասպանությունը ժխտող մի միջոցառման ժամանակ սրահ են մտել Բողազիչի համալսարանի մի խումբ ուսանողներ եւ Հայոց ցեղասպանության ժխտման դեմ ակցիա իրականացրել։
Թուրքական Etha գործակալության փոխանցմամբ՝ «Աթաթուրքի գաղափարների ակումբի» կողմից կազմակերպվել է «Տեղահանության 100-րդ տարում» խորագիրը կրող եւ Ցեղասպանությունը ժխտող միջոցառում։
Ստամբուլի Բողազիչի համալսարանի մի խումբ ուսանողներ, տեղեկանալով նման միջոցառման մասին, հավաքվել եւ միասին ներխուժել են սրահ, ժխտման դեմ ակցիա իրականացրել՝ հանդես գալով հայտարարությամբ։
Հայտարարության մեջ ուսանողները շեշտել են, որ 100 տարի առաջ Մալաթիայում, Կայսերիում, Քոնիայում, Մարդինում եւ այլուր այդ ժողովուրդը Սուրբ Ծնունդ էր նշում, եւ այժմ 4 հազար տարի այդ հողերում ապրող ազգն այլեւս չկա։ Հայտարարությունից հետո ուսանողները վանկարկել են «Տեղահանություն չէ, ցեղասպանություն է», «Առերեսվեք Հրանտի հետ, Ցեղասպանության հետ» կարգախոսները եւ հեռացել։
http://news.am/arm/news/255782.html