Ցեղասպանության 100-ամյակին Թուրքիայի խորհրդարանում հայեր պետք է լինեն. հայ կինն ուզում է պատգամավոր դառնալ

Թուրքիայի Ազգերի ժողովրդավարություն կուսակցության կողմից պատգամավորի թեկնածու առաջադրվելու համար թեկնածությունների գրանցումն ավարտվել է:
HDP-ի «Նոր կյանք» կոչին արձագանքած անձանց թվում հայ և արաբներ կան: Նրանք ցանկանում են, որ կուսակցությունն իրենց թեկնածությունն առաջադրի հունիսի 7-ին կայանալիք խորհրդարանական ընտրություններում:
Կուսակցությանը դիմողներից մեկը Նվարդ Բաքըրջըօղլուն է՝ Բաքըրքյոյից:
Ազգությամբ հայ կին թեկնածու Բաքըրջըօղլուն նշել է, թե կցանկանար թեկնածու լինել «Ուրարտուի մայրաքաղաք Վանում»:
Նվարդ Բաքըրջըօղլուն ուշադրություն է հրավիրում այն հանգամանքի վրա, որ ինքը ցանկանում է թեկնածու լինել Հայոց ցեղասպանության հարյուրամյակի տարում:
«100 տարի է՝ այս խորհրդարանում ոչ մի հայ պատգամավոր չի եղել: Հարյուրամյակի տարում հայ թեկնածուի ներկայությունը տեղին կլիներ: Ուզում եմ ներկայացնել իմ ժողովրդին: Ես կամ այլ հայ թեկնածուներ, որպես մեր ազգի ներկայացուցիչ, պետք է տեղ ունենանք Մեջլիսում»,- ասել է նա:
Հիշեցնենք, որ իր թեկնածությունը գրանցելու համար կուսակցութանն էր դիմել նաև Մարդինից Զեքերիա Սաբունջուն:
http://www.tert.am/am/news/2015/03/03/nvart-bakircioglu/1606536