Թուրք-քրդական խնդրի կարգավորումը թևակոխել է նոր փուլ. Դավութօղլու

Թուրքիան թևակոխել է քրդական խնդրի խաղաղ կարգավորման նոր փուլ: ՏԱՍՍ-ի փոխանցմամբ՝ նման հայտարարություն է արել այդ երկրի վարչապետ Ահմեթ Դավութօղլուն:

Այս կերպ Դավութօղլուն մեկնաբանել է այսօր ավելի վաղ քրդերի բանտարկված առաջնորդ Աբդուլա Օջալանի կոչը: Նա, մասնավորապես, իր հայրենակիցներին կոչ էր արել վայր դնել զենքը և կարգավորման կոնգրես անցկացնել:

Թուրքիայում իշխող կուսակցության երիտասարդների հետ Անկարայում կայացած հանդիպման ժամանակ Դավութօղլուն ասել է, որ քրդական հարցում զենքի ու բռնության լեզուն մոտեցել է իր ավարտին, այժմ էլ բացվել է ժողովրդավարական քաղաքականության նոր փուլ:

40-ամյա պայքարից հետո քրդերն ու թուրքերը որոշել էին բանակցություններ սկսել 2012-ի հոկտեմբերին: Մինչ օրս կողմերը հիմնականում միմյանց մեղադրել են տարբեր պարտավորություններ չկատարելու համար:

http://www.tert.am/am/news/2015/02/28/nephaseturkishkurdishregulation/1604263