ՇՏԱՊ. ԱՄՆ-ի Հարավային Դակոտա նահանգը ճանաչեց Հայոց ցեղասպանությունը

Հարավային Դակոտան դարձավ Հայոց ցեղասպանությունը ճանաչած 43-րդ նահանգը:
Հարավային Դակոտայի ներկայացուցիչների պալատը 51 կողմ, 17 դեմ ձայների հարաբերակցությամբ Հայոց ցեղասպանությունը ճանաչելու վերաբերյալ բանաձև է ընդունել՝ դառնալով Ցեղասպանության համար արդարություն պահանջող 43-րդ նահանգը:
Բանաձևով դատապարտվում է Ցեղասպանության ժխտումը և խրախուսվում դպրոցներում Հայոց ցեղասպանության մասին ուսուցումը: Այն քննարկում է նաև հույների ու ասորիների ցեղասպանությունը:
Հայտարարության մեջ ասվում է, որ Հարավային Դակոտայում 2015թ-ը նշելով որպես Հայոց ցեղասպանության հիշատակման տարի՝ կոչ է արվում ԱՄՆ կոնգրեսին և նախագահ Բարաք Օբամային պաշտոնապես ճանաչել և վերահաստատել պատմական ճշմարտությունը, այն, որ հայերի, հույների և այլ քրիստոնյաների նկատմամբ իրենց պատմական տարածքներում կատարված վայրագությունները եղել են ցեղասպանություն և աշխատել հայ-թուրքական կայուն, ամուր հարաբերությունների ստեղծման ուղղությամբ:
http://ankakh.com/article/12802/shtap–amn-i-haravayin-dakvota-nahange-tjanachyets–hayvots-tsyeghaspanuthyune