Սիսի կաթողիկոսարանի վերադարձիդ թղթածրարը իր վերջնական ձեւը կը ստանայ

ԱՆԹԻԼԻԱՍ.- Անցած օրերուն, Ժընեւի մէջ, Արամ Ա. վեհափառ հայրապետի նախագահութեամբ, Մեծի Տանն Կիլիկիոյ կաթողիկոսութեան կողմէ Թուրքիոյ Սահմանադրական դատարանին մօտ բացուելիք դատով զբաղող յանձնախումբը ունեցաւ իր վերջին նիստը:

Մասնագէտներէ կազմուած յանձնախումբը անցած շուրջ երկու տարիներուն ընթացքին, միշտ վեհափառ հայրապետին ներկայութեամբ հանդիպումներ ունեցած էր, պատրաստելու համար Սիսի պատմական կաթողիկոսարանի վերադարձի պահանջին վերաբերող դատական թղթածրարը:
Յիշեալ թղթածրարը իր վերջնական ձեւը ստացաւ եւ մօտ օրէն պիտի ներկայացուի Թուրքիոյ Սահմանադրական դատարան: Բնականաբար, այս դատը իր էութեամբ մեր եկեղեցւոյ ու ժողովուրդին դատը ըլլալով՝ այս ուղղութեամբ պատահելիք զարգացումներուն մասին տեղեակ պիտի պահենք մեր ժողովուրդը:

http://asbarez.com/arm/215937/