Պատգամավորը Դավութօղլուին հայերենով հարցապնդում է ներկայացրել

Թուրքիայի խորհրդարանի քրդամետ Ժողովուրդների դեմոկրատիա կուսակցության` Մարդինից ընտրված պատգամավոր Գյուլսեր Յըլդըրըմը Թուրքիայի վարչապետ Ահմեթ Դավութօղլուին 8 լեզուներով, այդ թվում՝ հայերեն, հարցապնդում է ներկայացրել:
Ինչպես տեղեկացնում է Bianet.org-ը, պատգամավորն իր հարցը ներկայացրել է Թուրքիայում վտանգված լեզուներով:
Նա նշել է, որ Թուրքիայում կան լեզուներ, որոնք ոչնչացման վտանգի տակ են, և հարցրել է, թե ինչ քաղաքականություն է իրականացնում կառավարությունը հարցի լուծման համար:
«ՅՈՒՆԵՍԿՕ-ի զեկույցի համաձայն՝ վերջին շրջանում Թուրքիայում 3 լեզու ոչնչացել է, 18 լեզու էլ վտանգի տակ է»,- ընդծել է պատգամավորը:
Պատգամավորի հարցը հայերենով եղել է հետևյալը. «Ի՞նչ է ձեր կառավարութեան քաղաքական մեթոտները՝ Թուրքիոյ մէջ զանազան լեզուներուն ճանչցուելուն, պաշտպանութեան և զարգացման մասին»:
Ի դեպ, 8 լեզուների թվում եղել է նաև համշեներենը:
http://www.tert.am/am/news/2015/02/24/davutoglu/1599497