Հպարտանում ենք մեր նախնիներով. Թուրքիայում Ցեղասպանության վերաբերյալ հակահայկական պաստառներ են տարածվել

Թուրքիայում այսպես կոչված «Խոջալուի ցեղասպանությանը» նվիրված միջոցառումներ են տեղի ունեցել, որոնց շրջանակներում երկրի տարբեր վայրերում խիստ հակահայկական, խտրական և ատելություն սերմանող պաստառներ են տարածվել:
Թուրք երիտասարդների մի խումբ լրագրող Հրանտ Դինքին սպանած Օգյուն Սամասթին գովաբանող կարգախոսներ է վանկարկել: Ավելի ուշ երկրի տարբեր քաղաքներում պաստառներ է տեղադրել:
Պաստառների վրա գրված է եղել. «Շնորհավորում ենք մեր երկիրը հայերից մաքրելու 100-ամյակը. Հպարտանում ենք մեր փառապանծ նախնիներով»:
Նկարները տեղադրվել են նաև համացանցում:
Համացանցի շատ օգտատերեր, սակայն, տեղի ունեցածը որպես 1915-ին տեղի ունեցած Ցեղասպանության հաստատում ու խոստովանություն են որակել:
http://www.tert.am/am/news/2015/02/24/100-genocide/1599123