Թուրքական իշխանամետ «Ենի Շաֆաք» թերթի` ազգությամբ հայ հոդվածագիր Մարգար Եսայանը հնարավոր է` իշխող Արդարություն և զարգացում կուսակցությունից պատգամավորի թեկնածու դառնա։ Այս մասին հայտնում է թուրքական «Հաբերլեր» կայքը։
Հունիսի 7-ին Թուրքիայում անցկացվելիք խորհրդարանական ընտրություներին Ստամբուլի ընտրատարածքում իր թեկնածությունը ԱԶԿ-ից առաջադրելու համար Եսայանը դիմել է կուսակցության Ստամբուլի ղեկավար մարմին։
ԱԶԿ-ում ընդունել են հայտը, և առաջիկայում քննարկվելու է Եսայանին որպես պատգամավորի թեկնածու առաջադրելու հարցը։
Նշենք, որ Արդարություն և զարգացում կուսակցության անդամ, իշխանամետ հայացքներով աչքի ընկնող հայ լրագրող Մարգար Եսայանը նախկինում եղել է թուրքական «Թարաֆ» թերթի գլխավոր խմբագիրը։
Աղբյուր` Թուրքագիտական պորտալ
AllTurkey.am
Leave a Reply