Նյու Յորքի Watertown հանրային գրադարանը մարտ ամսին «Մեկ գիրք, մեկ Watertown 2015» խորագրով հինգ միջոցառում կանցկացնի ի հիշատակ Հայոց ցեղասպանության 100-¬րդ տարելիցի:
Ինչպես հաղորդում է «Արմենպրես»¬ը` վկայակոչելով Armenian weekly¬-ն, մարտի 4¬ին «Գիրք քննարկողների միության» անդամները կհավաքվեն քննարկելու բեսթսելերների հեղինակ Քրիս Բոհջալյանի «Ավազե ամրոցի աղջիկները» գիրքը:
Մարտի 26-¬ին Քրիս Բոհջալյանն ելույթ կունենա եւ կխոսի ոչ միայն իր գրքի, այլեւ Հայոց ցեղասպանության միջազգային ճանաչման անհրաժեշտության մասին: Ամերիկայի հայկական թանգարանի փոխտնօրեն Բարբարա Մերգերյանը կխոսի «Ամերիկացի միսիոներները Հայոց ցեղասպանության ժամանակ» աշխատանքի մասին: Այս գրքում ներկայացած է ամերիկացի միսիոներների դերակատարությունը, ովքեր Մերձավոր արեւելքում օգնել են հայ գաղթականներին եւ փրկել մահվանից: Գրադարանում մարտի 14-ին համերգային ծրագրով հանդես կգան «Մուսաներ» խումբն ու կներկայացնեն հայկական ֆոլկ¬ջազային ստեղծագործություններ: Հակոբ Գուդուսուզյանը, ով 250 հեռուստահաղորդման հեղինակ է, կցուցադրի «Հայերի աքսորը» ֆիլմը Հայոց ցեղասպանության, մշակութային ժառանգության եւ հայկական սփյուռքի մասին: Ողջ ամսվա ընթացքում գրադարանի T. Ross Kelly Family Gallery ցուցասրահում կցուցադրվեն հալեպահայ նկարիչ Ալիկ Էլիսյանի կտավները:
Hayernaysor.am
Նյու Յորքի Watertown գրադարանը մարտին Հայոց ցեղասպանության տարելիցին նվիրված 5 միջոցառում կանցկացնի
•
Leave a Reply