«Հայոց ցեղասպանության հետևանքների հաղթահարման գործընթացը. նոր սերնդի ակնկալիքներն ու անելիքները» խորագրով գիտաժողով` Երևանում

«Լազարյան ինստիտուտ» գիտակրթական հասարակական կազմակերպությունը և «Արևմտահայոց հարցերի ուսումնասիրության կենտրոն» գիտահետազոտական հիմնադրամը կազմակերպում են երկօրյա գիտաժողով` նվիրված Հայոց ցեղասպանության հարյուրամյա տարելիցին:
«Հայոց ցեղասպանության հետևանքների հաղթահարման գործընթացը. նոր սերնդի ակնկալիքներն ու անելիքները» խորագրով երիտասարդական գիտաժողովի մասնակիցները կարող են հանդես գալ նաև այլ ժողովուրդների ցեղասպանությունների վերաբերյալ զեկուցումներով:
Գիտաժողովին մասնակցության հայտ կարող են ներկայացնել պետական և մասնավոր բուհերի ուսանողներ, երիտասարդ հետազոտողներ հետևյալ մասնագիտությունների գծով.

 Իրավագիտություն
 Միջազգային հարաբերություններ
 Արևելագիտություն
 Պատմություն
 Մշակութաբանություն
 Հոգեբանություն
 Սոցիոլոգիա
 Լրագրություն և այլն:
Գիտաժողովին մասնակցելու համար անհրաժեշտ է մինչև 2015թ. մարտի 31-ը զեկուցման թեզերը (մինչև 500 բառ) ուղարկել էլ. փոստի հետևյալ հասցեին՝ lazaryaninstitute@gmail.com :
Գիտաժողովը տեղի կունենա 2015 թ. մայիսի 14-ին և 15-ին: Գիտաժողովի բացումը՝ մայիսի 14-ին, ժամը 12:00-ին, Արևմտահայոց հարցերի ուսումնասիրության կենտրոնում (Գյուլբենկյան 38):

Մայիսի 15-ին, գիտաժողովի փակումից հետո կհրավիրվի կլոր սեղան-քննարկում, ապա կիրականացվի քայլարշավ դեպի Հայոց ցեղասպանության հուշահամալիր՝ որպես հարգանքի տուրք Հայոց ցեղասպանության զոհերի հիշատակին:
Լրացուցիչ տեղեկությունների համար զանգահարեք հետևյալ հեռախոսահամարներով՝ 094 98 89 10, 093 64 90 95, 091 87 57 40:
«Լազարյան ինստիտուտ» գիտակրթական հասարակական կազմակերպության և Արևմտահայոց հարցերի ուսումնասիրության կենտրոնի գիտական խորհուրդ
Akunq.net