Թուրքիայում լույս է տեսել «Օսմանյան կայսրությունում Դիարբեքիրի հայերը» գիրքը

Թուրքիայում լույս է տեսել գրող Քասըմ Էրթաշի՝ «Օսմանյան կայսրությունում Դիարբեքիրի հայերը» գիրքը։ Այս մասին գրում է թուրքական «Քիթափ յուրդու» կայքը։
«Թուրքիայում քիչ բան գիտեն Փոքր Ասիայի բնիկ ժողովուրդներից մեկի՝ հայերի մասին։ Օսմանյան կայսրության շրջանում Դիարբեքիրի նահանգում կրոնական խմբերի բազմազանությունն ու մշակութային հարստությունը ամբողջությամբ պատկերացնելու համար անհրաժեշտ է ուսումնասիրել տեղի հայ բնակչության հասարակական-մշակութային կյանքը»,- գրում է հեղինակը։
«Օսմանյան կայսրությունում Դիարբեքիրի հայերը» գրքում ներկայացված են 19-րդ դարի տեղի հայերի հասարակական-մշակութային կյանքը, մուսուլմանների և այլ ժողովուրդների հետ նրանց հարաբերությունները, քաղաքի տնտեսության և ղեկավար մարմիններում նրանց կարգավիճակը, ընտանեկան կյանքը, ավանդույթները, սրբատեղիները, կրոնական արարողությունները և տոները։
«Օսմանյան կայսրությունում Դիարբեքիրի հայերը» գիրքը նոր է հայտնվել շուկայում։ Այն գրված է թուրքերենով, արժեքը շուրջ 3000 դրամ է։
Աղբյուր` Թուրքագիտական պորտալ
AllTurkey.am