Օլանտի հովանիի ներքոյ` Հայոց Ցեղասպանութեան թեմայով գիտաժողով

Ֆրանսայի նախագահ Ֆրանսուա Օլանտի հովանիի ներքոյ մարտ 25-28 Փարիզի մէջ պիտի իրականացուի «Հայոց Ցեղասպանութիւնը Օսմանեան կայսրութեան մէջ Մեծ պատերազմի տարիներուն 1915-2015. հետազօտութիւններու 100 տարի» անունը կրող գիտաժողով: Ձեռնարկը կազմակերպուած է Հայոց Ցեղասպանութիւնը հետազօտող միջազգային գիտական խորհուրդին կողմէ: Այս մասին կը հաղորդէ News.am-ը` վկայակոչելով Ֆրանսայի Nouvelles d’Armenie-ին:
Կը նախատեսուի, որ գիտաժողովի առաջին օրը` մարտ 25-ին, Սորպոնի համալսարանի մեծ ամֆիթատրոնին մէջ ելոյթ ունենայ Ֆրանսայի նախագահը:
Ելոյթով հանդէս պիտի գան նաեւ Փարիզի ակադեմիոյ տնօրէն Ֆրանսուա Վէյլը եւ Ֆրանսայի սոցիալական գիտութիւններու բարձրագոյն դպրոցի ղեկավար Փյէր-Սիրիլ Օկեորը:
Ներածական դասընթաց պիտի ընթերցէ Հայոց ցեղասպանութեան հետազօտման հարցերով միջազգային գիտական խորհուրդի նախագահ Իւ Տէրնոն:
Զեկուցումներով հանդէս պիտի գան շարք մը յայտնի պատմագէտներ, քաղաքագէտներ, իրաւաբաններ:
http://www.yerakouyn.com/?p=72750