Ծանուցում կառավարությունից` 1014 վաքըֆային հողակտոր ետ վերադարձվեց

Կա

ռավարության հասարակության հետ կապերի վարչությունը «Բարեփոխումներ` ուղղված Թուրքիայում տարբեր կրոնական խմբերին» վերնագրով ծանուցում հրատարակեց: Ըստ ծանուցման` մինչ այսօր հետ է վերադարձվել 1014 վաքֆային հող, 150 անշարժ գույքի գնահատման գործընթացը շարունակվում է: Հրապարակված ծանուցումը հետևյալ տեղեկությունն է հաղորդում

• 2008 թ. հաստատված նոր վաքըֆների կանոնագրքով մինչ այսօր 1014 վաքֆային հող է վերադարձվել համայնքներին: Վերջինը Յեդիքուլեի Սուրբ Փրկիչ հիվանդանոցի հիմնադրամին պատկանող, հիվանդանոցի շենքի դիմաց գտնվող 42 հազար 259 քառ. մետր տարածքով հողն է, որը Վաքըֆների գլխավոր խորհրդի որոշումից հետո գրանցվեց որպես վաքֆային սեփականություն: 2013 թ. սեպտեմբերի 30-ին վարչապես Էրդողանի կողմից հայտարարված «Ժողովրդավարացման փաթեթի» շրջանակներում Մոր Գաբրիել հիմնադրամին պատկանող 12 հողաբաժին հոկտեմբեր ամսին վերադարձվեց ասորիների համայնքին: Որոշվեց այսօրվա արժույթի գնով փոխհատուցել 21 անշարժ գույքի համար: Ներկայում 150 անշարժ գույքի վերադարաձման համար գնահատման գործընթացը շարունակվում է:

• Թուրքիայում այսօր 165 համայնքային հիմնադրամներ ակտիվորեն շարունակում են իրենց գործունեությունը: Այս հիմնադրամներից 46-ը` հունական, 53-ը` հայկական, 19-ը` հրեական, 10-ը` ասորական, 3-ը` նաստուրիների, 2-ը` բուլղարների, մեկը` վրացական, մեկն էլ մարոնիտների համայնքներին է պատկանում:

• Բարեկարգման վարչության կանոնագրքում արված փոփոխություններով, «մզկիթ» արտահայտությունը վերափոխվեց՝ դառնալով «աղոթատեղի», աղոթատեղիները վերցվեցին օրենքի շրջանակների մեջ: Այս շրջանակում հաստատելով՝ «նահանգում, գավառում և գյուղաքաղաքում աղոթատեղի կարող է հիմնվել գույքի կառավարման պետի թույլտվությամբ և բարեկարգման վարչության կանոնադրությանը համապատասխան լինելու պայմանով» կանոնավորումը. բոլոր կրոնների հետ կապված աղոթատեղի կառուցելու առնչությամբ բողոքները վերացվեցին:

Վերանորոգումներ

• Դիարբեքիրում գտնվող Սուրբ Կիրակոս եկեղեցին 2011 թ. հոկտեմբերին բացվեց աղոթքի համար: Գումգափուի Մերյեմանա եկեղեցին և դպրոցը, հիմնադրամին պատկանող Որդոց Որոտման եկեղեցին վերանորոգվեցին և բացվեցին աղոթքի համար: Մյուս կողմից` Մշակույթի և զբոսաշրջության նախարարության կողմից Տրապիզոնի Սումելա մենաստանում և Վանի Աղթամար եկեղեցում թույլ տրվեց պատարագ մատուցել:

Վերանորոգումն ավարտող անշարժ գույքեր` Գյոքչեադայի Այա Նիկոլաս եկեղեցի, Գյոքչեադաի Այամարինա հունական ուղղափառ եկեղեցի, Հաթայի Իսքենդերուն ասորական կաթոլիկ եկեղեցի, Սուրբ Կիրակոս եկեղեցի, Գումգափուի Մերյեմանա եկեղեցի, Որվոքս Որոդման եկեղեցի, Դիարբեքիրի Սուրի հայկական բողոքական եկեղեցի, Դիարբեքիրի Սուրի հայկական կաթոլիկ եկեղեցի, Գազիանթեփի Նիզիփ Ֆեվքանի եկեղեցի, Գազիանթեփի Շահինբեյսինագոգա:
Վերանորոգումը շարունակող անշարժ գույքեր` Այվալըք Ջունդայի Թաքսիյահրիս (Այանիկոլա) եկեղեցի, Ստամբուլի Էդիրնեքափը Այա Յորգի եկեղեցի, Էդիրնեի կենտրոնական սինագոգ (Մեծ սինագոգ):

Նախագիծ պատրաստող անշարժ գույքեր` Քիլիսի կենտրոնական սինագոգ, Հաթայ Յայլադաղի հունական ուղղափառ եկեղեցի, Իսքենդերունի Արսուզ Մարիո Հաննա եկեղեցի, Սամանդաղի Յողունօլուք գյուղի հայկական եկեղեցի:

Ծանուցագրում որպես բարեփոխում անվանված քայլերի մեջ հիշատակվեցին նաև 2009-ից մինչ այսօր տարբեր կրոնական խմբերի հետ կատարվող 12 ժողովը, անվճար բաժանվող հայերեն դասագրքերը և դրամական աջակցությունը, որ Տպագրության և մամուլի խորհուրդը ցույց է տվել 6 փոքրամասնության թերթերին:

http://www.agos.com.tr/tr/yazi/10542/basbakanlik-tan-aciklama-1014-vakif-arazisi-iade-edildi