Թուրքիայում գործող հայկական «Արաս» հրատարակչատունը լույս է ընծայել Ադանայի (Կիլիկիայի) կոտորածների վերաբերյալ կարևորագույն տեղեկություններ պարունակող գիրք, որը թուրքերենով է:
«1909-ի Ադանայի կոտորածը. Երեք զեկույց» վերնագրով գրքում տեղ են գտել կոտորածների վերաբերյալ հայերի երեք կարևոր զեկույց, որոնք ներկայացնում են պատմական իրողությունը: Զեկույցները գրքում ներկայացված են թուրքերենով: Նշվում է, որ զեկույցները լայն հասարակությանն առաջին անգամ են ներկայացվում թուրքերենով:
Գրքում տեղ են գտել Կարապետ Չալյանի, Արթին Արսլանյանի և Հակոբ Պապիկյանի զեկույցները, որոնք վերաբերում են ոչ միայն զուտ հայերի կոտորածներին, այլ նաև դրանց նախորդած ու հաջորդած իրադարձություններին և զարգացումներին:
Գրքի նախաբանի հեղինակը հայտնի թուրք պատմաբան Թաներ Աքչամն է: Գրքի ստեղծման աշխատանքներին մասնակցել են Արի և Արարատ Շեքիրյանները:
Նշենք, որ 1909 թվականի ապրիլ ամսին Ադանայում և շրջակա բնակավայրերում իրականացվեց տեղի հայերի զանգվածային կոտորած, որը հրահրել էր օսմանյան ղեկավարությունը, և որին մասնակցում էին տեղի մուսուլման բնակիչները: Կոտորածների հետևանքով զոհված հայերի թիվն անցնում էր 30 հազարից:
AllTurkey.am
Հայերն Ադանայի կոտորածի մասին գիրք են հրատարակել Թուրքիայում
•
Leave a Reply