Թուրքիայում կարծես գլուխ է բարձրացնում Սևրի սինդրոմը

Թուրքական «Ulusalkanal»կայքը անդրադարձ է կատարել հունվարի 29-ին Ծիծեռնակաբերդի հուշահամալիրում ՀՀ նախագահ Սերժ Սարգսյանի կողմից Հայոց ցեղասպանության 100-րդ տարելիցի համահայկական հռչակագրի հրապարակմանը:
Կայքը գրում է, թե հայկական սփյուռքը «հիասթափություն ապրելով ՄԻԵԴ-ում «Փերինչեքն ընդդեմ Շվեյցարիայի» դատական գործում», իմպերիալիստ ուժերի հետ միասին նոր ուղի է բռնել: Կայքը նշում է, թե Համահայկական հռչակագրի օրինակը ուղարկելով ՄԱԿ-ի գլխավոր քարտուղարություն` հատկապես հղում է կատարվել Սևրի պայմանագրի և ԱՄՆ-ի նախագահ Վուդրո Վիլսոնի իրավարար վճռի վրա, ինչը որակվել է որպես ուղղակի հողային պահանջ Թուրքիայից:
Լրատվական կայքը գրում է, որ 10 կետից բաղկացած հռչակագիրը ուղարկվել է ՄԱԿ-ի անդամ երկրներին` որպես կոչ պատժելու Թուրքիային ու պարտադրելու նրան` վերադարձնելու հողերը և ընդունելու Հայոց ցեղասպանությունը:
http://ankakh.com/article/11625/%E2%80%8Bthurqiayum-kartsyes-glukh-e-bardzratsnum-syevri-sindrvome