Ապրիլի 24-ը ցույց կտա` առաջադեմ երկրները շահն են գերադասում, թե արժեքները

«Շահեր, թե արժեքներ» խնդիրը լավագույնս կարտահայտվի մի շարք առաջադեմ երկրների ղեկավարների որոշմամբ՝ լինել ապրիլի 24-ին Երևանում և մասնակցել 1915թ-ին Թուրքիայի կողմից իրականացված Հայոց ցեղասպանության 100-րդ տարելիցի հիշատակի միջոցառումներին, թե ընդունել Թուրքիայի նախագահ Ռեջեփ Էրդողանի հրավերը և մասնակցել Չանաքքալեի 100-րդ տարվան նվիրված միջոցառումներին։
ՍՏԵՓԱՆԱԿԵՐՏ, 2 ՓԵՏՐՎԱՐԻ, ԱՐՑԱԽՊՐԵՍ։ Tert.am-ի հետ զրույցում նման տեսակետ հայտնեց Հայաստանի գիտությունների ազգային ակադեմիայի Արևելագիտության ինստիտուտի տնօրեն Ռուբեն Սաֆրաստյանը։
Նա ասաց, որ չնայած պետությունների զգալի միասը Թուրքայի հետ շահեր ունեն, այդուհանդերձ, չի խանգարի ընտրել բարոյական ճանապարհը։ «Իմ կարծքիով այստեղ պետք է գործի բացարձակ իմպերատիվը, ինչպես Կանտն էր ասում, այսինքն՝ բարոյականության գերակայության խնդիրը։ Այստեղ անբարոյական եմ համարում, որ կարող է մի երկրի ղեկավար այդ օրն ընդունել Թուրքիայի նախագահի հրավերը և գնալ Թուրքիա»,- ասաց նա։
Ռուբեն Սաֆրաստյանը սակայն նշեց, որ տեղյակ է, որ թուրքական հրավերն ընդունել են Մեծ Բրիտանիայի արքայազն Չարլզը, Ավստրալիայի և Նոր Զելանդիայի վարչապետները։ «Հույս ունեմ, որ բարոյականությունը կհաղթանակի ամեն դեպքում»,-ասաց նա։
Նա նշեց, թե առավել քան վստահ է, որ այդ միջոցառումներն իրականացնելով` Թուրքիայի նպատակը մեկն է. ամեն կերպ խափանել Ցեղասպանության դատապարտման գործընթացը։
«Իրենց մոտ պանիկայի տարր եմ տեսնում, ամեն ինչ անում են ու ոչ բանի առաջ չեն կանգնում, որ Ցեղասպանության վերաբերյալ ճշմարտությունը 2015թ. հակառակ ազդեցությունը չունենա»,-նշեց նա՝ ավելացնելով, որ ոչ պակաս կարևոր նշանակություն ունեցավ Մարդու իրավունքների եվրոպական դատարանում Դողու Փերինչեքի դատավարությունը։
«Այդ օրերին ամենաշատը փնտրվածներից է եղել հենց «Հայոց ցեղասպանություն» արտահայտությունը, այնպես որ ես կարծում եմ, որ աշխարհի առաջատար գործակալությունների և մամուլի անդրադարձը դեռ ավելին կլինի, և դա էլ իր դրական ազդեցությունը կունենա»,-նշեց նա։
http://artsakhpress.am/arm/news/11578/aprili-24-y-cuyc-kta-arajadem-erkrnery-shahn-en-geradasum-te-arzheqnery.html