Թուրքիայի ԱԳՆ օրացույցում հայտնվել է Հայոց ցեղասպանության հուշարձանի նկարը

Թուրքիայի արտաքին գործերի նախարարության կողմից պատրաստած «Հատուկ Չանաքքալեի համար» օրացույցի մեջ հայտնվել է Երեւանում գտնվող Հայոց ցեղասպանության հուշահամալիրի լուսանկարը։
Թուրքական T24.com կայքի փոխանցմամբ՝ Թուրքիայի ԱԳՆ-ն 2015-ի հետ կապված «Չանաքքալեի հերոսության եւ հավերժ բարեկամության հիշատակին» անունը կրող եւ «Հատուկ Չանաքքալեի համար» օրացույցում ապրիլ ամսվա էջի լուսանկարներում Չանաքքալեի հիշատակման միջոցառումների լուսանկարների մեջ տեղ է գտել նաեւ Երեւանում գտնվող Հայոց ցեղասպանության հուշահամալիրի լուսանկարը, որն արված է ապրիլի 24-ին։
Այս լուսանկարը մեծ արձագանք է գտել թուրքական մամուլում, իսկ ազգայնական հատվածում որպես դավաճանություն որակվել։
Հիշեցնենք, որ Թուրքիան ամեն տարի Չանաքքալեի ճակատամարտը նշել է մարտի 18-ին, սակայն այս տարի նախագահ Էրդողանը հայտարարել է, թե այն նշվելու է ապրիլի 24-ին։ Էրդողանի այս որոշումը խիստ քննադատության պատճառ էր դարձել թե Թուրքիայում, թե Թուրքիայից դուրս։
http://news.am/arm/news/250106.html