Ազրպէյճան եւ Թուրքիա Եւրասիական ուժանիւթային միութիւն պիտի ստեղծեն

ԱՓԱ կը հաղորդէ, որ Ազրպէյճան եւ Թուրքիա կը նախատեսեն ստեղծել Եւրասիական ուժանիւթային միութիւն մը, որուն կեդրոնատեղին պիտի ըլլայ Պոլիսը:
Ուժանիւթային միութիւնը, որ պիտի միաւորէ 18 երկիրներ, պիտի գլխաւորեն Ազրպէյճանն ու Թուրքիան:
Միջազգային ուժանիւթային-տնտեսական միութեան ներկայացուցիչ Կիւրքան Քումպարօղլու նշած է, որ Ազրպէյճան եւ Թուրքիա կը նախատեսեն հզօր միութիւն ստեղծել: Ան նշած է, որ ՍՈՔԱՐ-ի ներկայացուցիչներուն հետ հանդիպումի ընթացքին շրջանային նախագիծի իրականացման համար համաձայնութիւն գոյացուցած են:
http://www.aztagdaily.com/archives/224548