Թուրքերը պղծել են Ստամբուլը կառուցած հայ ճարտարապետի գերեզմանը

Ստամբուլի լավագույն պատմական կառույցների հեղինակ հայազգի հայտնի ճարտարապետ Կարապետ Պալյանի գերեզմանաքարը հայտնաբերվել է Ստամբուլի շինհրապարակներից մեկում։
Ինչպես տեղեկացնում է Ստամբուլի հայկական «Ակօսը», Ստամբուլը խորհրդանշող Դոլմաբահչեի պալատի ճարտարապետ Կարապետ Պալյանի գերեզմանաքարը հայտնաբերվել է Ստամբուլի Քարթալի շրջանում գտնվող մի շինհրապարակում։
Հայտնի չէ, թե որտեղ է եղել Կարապետ Պալյանի գերեզմանը, սակայն Փարս Թուղլաջըի «Պալյան ընտանիք» գրքում 1958 թ. արված մի լուսանկարում երեւում է Կարապետ Պալյանի գերեզմանաքարը Բեշիքթաշի հայկական գերեզմանատանը։ Թուղլաջըն նշել էր, որ այժմ գերեզմանաքարն իր տեղում չէ։
Ստամբուլի քաղաքապետարանի պատասխանատուները անպատասխան են թողել «Ակօս»-ի հարցը, թե երկար տարիներ կորած Կարապետ Պալյանի գերեզմանաքարն ինչպես է հայտնվել շինհրապարակներից մեկում։
http://news.am/arm/news/249065.html