Ուրուգվայի նախագահ Խոսե Մուխիկան համաձայնել է մարտի 1-ին նախագահի պաշտոնում իր լիազորություններն ավարտելուց հետո լինել Հայոց ցեղասպանության 100-ամյա տարելիցի արարողությունները համակարգող հանձնաժողովի պատվավոր անդամ. տեղեկացնում է Asbarez-ը:
Այդ առաջարկը պատվիրակները նրան արել են Մոնտեվիդեոյում՝ հայ համանքի հետ հանդիպման ժամանակ: Մուխիկան, խոսելով Հայոց ցեղասպանության մասին և կարևորելով համատեղ կացության ու հանդուրժողական լինելու ունակությունը, հայտնել է, որ «նա, ով չի հարգում բազմակարծությունը, տեղ չունի այս աշխարհում»:
«Աշխարհում տեղի են ունենում ահռելի դեպքեր. նոր թափ է ստանում կրոնական մոլեռանդությունը»,- ասել է նա:
Մուխիկան հիշեցրել է նաև, որ Ուրուգվայն առաջին պետությունն է, որ ճանաչել է 1915 թվականին Օսմանյան կայսրության կողմից իրագործված հայերի ցեղասպանությունն ու բռնի տեղահանությունը Թուրքիայի ներկայիս տարածքից:
http://www.yerkir.am/am/news/79093.htm
Ուրուգվայի նախագահը՝ Հայոց ցեղասպանության 100-ամյա տարելիցի հանձնաժողովի պատվավոր անդամ
•
Leave a Reply