Անկարայում հարձակվել են Հրանտ Դինքի և «Շարլի Էբդոյի» զոհերի հիշատակը հարգող խմբի վրա

Անկարայի համալսարանում մի խումբ ուսանողներ փորձել են հանդես գալ հայտարարությամբ ի հիշատակ հունվարի 7-ին ահաբեկչական հարձակման զոհ դարձած ֆրանսիական «Շարլի Էբդո» երգիծական շաբաթաթերթի 12 աշխատակիցների և 2007 թվականի հունվարի 19-ին սպանված Հրանտ Դինքի, սակայն մի քանի այլ ուսանողներ, քարերով ու փայտերով զինված, հարձակվել են նրանց վրա։ Այս մասին գրում է թուրքական «Ռադիկալ» կայքը։
Դինքի հիշատակին և «Շարլի Հեբդոյի» դեպքերին նվիրված միջոցառմանը դեմ հանդես եկող խումբը, «Ալլահու աքբար» և իսլամին առնչվող այլ արտահայտություններ գոչելով, խոչընդոտել է արարողությանը, որից հետո ընդհարում է սկսվել կողմերի միջև:
Դեպքի վայր ժամանած ոստիկաններն արցունքաբեր գազ են կիրառել։ Արդյունքում հաջողվել է խուսափել հետագա զարգացումներից:
Աղբյուր` Թուրքագիտական պորտալ
AllTurkey.am