Թուրքիան շարունակելու է աջակցել Ադրբեջանին՝ ԼՂ հակամարտության կարգավորման հարցում. Էրդողան

Թուրքիայի նախագահ Ռեջեփ Թայիփ Էրդողանն ու Ադրբեջանի նախագահ Իլհամ Ալիևը հունվարի 15-ին կայացած հանդիպումից հետո հանդես են եկել համատեղ մամուլի ասուլիսով, տեղեկացնում է Sabah-ը:
Էրդողանը հայտարարել է, թե Լեռնային Ղարաբաղի հակամարտության կարգավորման գործով զբաղվող ԵԱՀԿ Մինսկի համանախագահների եռյակը պարզապես զբաղեցնելու քաղաքականություն է կիրառում:
«Լեռնային Ղարաբաղի հարցն Ադրբեջանի տարածքային ամբողջականության շրջանակներում խաղաղ ճանապարհով կարգավորելու համար Ադրբեջանին մեր աջակցությունն ենք շարունակելու ցուցաբերել: Շատ զգայուն ենք այդ հարցում և մեր տեսակետը հայտնում ենք ամեն հնարավոր առիթի դեպքում: Դրանից հետքայլ անել հնարավոր չէ»,- հայտարարել է Էրդողանը՝ հիշեցնելով, որ Թուրքիան նախագահելու է G-20-ում և իրավունք է ստանալու նաև Ադրբեջանին հրավիրել:
Ալիևն իր հերթին նշել է, որ Թուրքիան աշխարհի ուժային կենտրոններից մեկն է դարձել: «Որքան ուժեղ լինի Թուրքիան, այդքան ուժեղ կլինի Ադրբեջանը»,- հայտարարել է նա:
http://www.tert.am/am/news/2015/01/16/erdogan-karabakh/1560939