Գերմանացի լրագրող. «Ոչ մի օտար լեզու չիմացող Էրդողանը օսմաներենի ուսուցումից է խոսում»

Գերմանական «Tagesspiegel» թերթում հրապարակաված «Թուրքիայի կրթական համակարգի իսլամականացումը. Օսմաներենը բոլորի համար» վերնագրով հոդվածում նշվում է, որ Թուրքիայի նախագահ Ռեջեփ Թայիփ Էրդողանը օտար լեզվի չի տիրապետում: Այս մասին հայտնում է թուրքական «Ջումհուրիյեթ» լրատվական կայքը:
Հոդվածագիրը մասնավորապես նշել է. «Էրդողանը, ով ոչ մի օտար լեզու չգիտի, 1918 թվականին կործանված Օսմանյան կայսրության լեզուն կրթական քաղաքականության առաջնահերթություն է հայտարարել: Ողջ աշխարհում կրթության պատասխանատուները պայքարում են, որ իրենց երկրի երեխաները լավ անգլերեն կամ էլ աշխարհում շատ կիրառություն ունեցող մեկ այլ ժամանակակից լեզու սովորեն: Իսկ թուրքական կառավարությունը ցանկանում է, որ երիտասադ սերունդը սովորի 100 տարի առաջ կիրառությունից հանված պալատական լեզուն: Այդ լեզուն 21-րդ դարում ո՛չ նոր գիտելիք է տալիս, ո՛չ էլ դարի պահանջմունքներն է բավարարում: Իսկ նախագահ Թայիփ Էրդողանը իր երկրի 17.5 միլիոն աշակերտներին ասում է. «Դուք, ուզեք թե չուզեք, օսմաներեն պիտի սովորեք»»:
Հոդվածագիրը, ուշադրություն հրավիրելով այն հանգամանքին, որ օսմաներենը դեռ 20-ական թվականներին է կիրառությունից հանվել, ու փոխարենը մտցվել ժամանակակից թուրքերենը, գրում է. «Այստեղ նախագահի համար կարևորը իր երկրի լեզվական ժառանգությունը չէ, Էրդողանը այս քայլով ցանկանում է խրախուսել Թուրքիայի վերադարձը իսլամական արմատներին»:
http://ermenihaber.am/?lang_id=2&news_=8&cur_news=941