Թուրքիայում Հայոց ցեղասպանության հիշատակի արարողություններ տեղի կունենա 28 նահանգում

Հայոց ցեղասպանության 100-րդ տարելիցին ընդառաջ Թուրքիայում Մարդու իրավունքների կազմակերպության կողմից նախաձեռնած միջոցառումները տեղի կունենան միանգամից 28 նահանգում:
Ինչպես հաղորդում է «Արմենպրես»-ը` վկայակոչելով Ստամբուլի հայկական «Ակօս» պարբերականը, միջոցառումները կիրականացվեն «Հայոց ցեղասպանության 100-րդ տարելիցին ընդառաջ ժխտման դեմ նախաձեռնություն» խորագրի ներքո:
Արարողությունների նախապատրաստմանը կլծվեն մի շարք կազմակերպություններ ինչպես Թուրքիայից, այնպես էլ արտասահմանից: Այդ կազմակերպությունների թվին են դասվում Թուրքիայից «Նոր Զարթոնք»-ը, «Զան» ինստիտուտը, Կանաչների և ձախակողմյանների ապագայի կուսակցության պատմության հետ առերեսման աշխատանքային խումբը, Լոնդոնում գործող Կոմիտասի ինստիտուտը, Ֆրանսիայից Collectif Van-ը, Եվրոպայի հայկական խորհուրդը և ասորի ակտիվիստները:
Թուրքիայի մի շարք քաղաքներում Ցեղասպանության քայլերթ կկազմակերպվի: Նշվում է, որ Ստամբուլից հետո ամենամեծ արարողությունը կկայանա Դիարբեքիրում:
http://www.tert.am/am/news/2014/12/20/turkey-g-events/1541590