Փորձագետ. Հայաստանը պետք է Թուրքիային փոխհատուցումը պարտադրի

Հայոց ցեղասպանության ճանաչումն ու դատապարտումն առանց փոխհատուցման անընդունելի եւ անիմաստ է: Այդ մասին Բանակցության երեւանյան կենտրոնի կողմից կազմակերպված համաժողովին հայտարարեց «Մոդուս Վիվենդի» կենտրոնի ղեկավար Արա Պապյանը:

Նա հետեւյալ հարցն առաջադրեց. փոխհատուցման համար անհրաժե՞շտ են արդյոք ճանաչումն ու դատապարտումը եւ ճանաչման ու դատապարտման դեպքում կհետեւի՞ արդյոք, փոխհատուցում: «Ես շփվել եմ տարբեր բարձրաստիճան թուրք գիտնականների եւ քաղաքական գործիչների հետ, ովքեր ճանաչում են Հայոց ցեղապսանությունը, սակայն երբ խոսքը փոխհատուցման մասին է, հատկապես տարածքային, նրանք ասում են. Մոռացեք այդ մասին», – նշեց Արա Պապյանը: Հետեւապես, նրա համոզմամբ՝ չարժե հույսեր կապել, որ թուրքական հանրությանը կարելի է բերել այն գիտակցությանը, որպեսզի նա փոխհատուցում վճարի: Փոխհատուցման միակ ճանապարհը Թուրքիային հարկադրումն է: «Հայաստանը դա պետք է անի արդեն գոյություն ունեցող միջազգային պայմանագրերի միջոցով», – հավելեց նա:

http://news.am/arm/news/242814.html