Նախարար Տէնի Լեպէլի հետ քննարկուեցան Մեծ Եղեռնի 100-ամեակի համագանատական ծրագիրները

Դեկտեմբեր 15-ին, Գանատայի Հայ Դատի յանձնախումբի Օթթաուայի գրասենեակի տնօրէն Ռուբէն Գույումճեան երկրորդ հանդիպում մը ունեցաւ նախարար Տէնի Լեպէլի հետ (Minister of Infrastructure, Communities and Intergovernmental Affairs and Minister of the Economic Development Agency of Canada for the Regions of Quebec): Հանդիպման ներկայ էր նաեւ նախարար Լեպէլի տնտեսական զարգացման հարցերու օգնական Յակոբ Էվերեկլեան: Խորհրդակցութեան ընթացքին շարունակուեցան Հայկական Ցեղասպանութեան 100-ամեակի գծով Գանատայի տարածքին տարուող աշխատանքներու քննարկումները:
Գանատայի Հայ Դատի յանձնախումբի Օթթաուայի գրասենեակի տնօրէն Ռուբէն Գույումճեան այս առթիւ «Հորիզոն»ին յայտնեց, որ 100-ամեակին ընդառաջ, նախարարական մակարդակի վրայ նման հանդիպումները պիտի շարունակուին։
http://horizonweekly.ca/news/details/55689