Դեմիրթաշ. «Պատգամավորներ ենք դարձնելու և՛ ալևիներին, և՛ հայերին»

Թուրքիայի Ժողովուրդների դեմոկրատիա քրդական ընդդիմադիր կուսակցության (ԺԴԿ-HDP) համանախագահ, ծագումով զազա քուրդ Սելահաթթին Դեմիրթաշը մի շարք հայտարարություններով է հանդես եկել թուրքական «Yol TV» հեռուստաալիքի եթերից:

Խոսելով 2015-ին անցկացվելիք խորհրդարանական ընտրություններից` Դեմիրթաշը նշել է, որ HDP-ն որպես կուսակցություն վստահաբար մասնակցելու է ընտրություններին` հաղթահարելով 10 տոկոսի պարտադիր շեմը:
«Ի՞նչ է, գողերը կարող են նպատակ ունենալ հասնելու 50 տոկոս ձայների, իսկ մենք չե՞նք կարող հաղթահարել 10 տոկոսանոց շեմը»,- ակնարկելով իշխանական Արդարություն և զարգացում (ԱԶԿ-AKP) կուսակցությունը` ասել է Դեմիրթաշը: Նա նաև հերքել է իշխանական ճամբարից իրեն ուղղված քննադատությունները, թե իբր համագործակցում է գյուլենական ուժերի հետ: Հարցազրույց տալ գյուլենական համայնքին մոտ կանգնած թերթերից մեկին, ըստ Դեմիրթաշի, դեռ չի նշանակում համագործակցել նրանց հետ:
HDP-ի համանախագահը մասնավորապես դժգոհել է, որ ալևիներին տեղ չեն տալիս իշխանական համակարգերում: Մինչևիսկ հասարակ տնօրենի պաշտոնում չեն նշանակում որևէ ալևիի: Բայց հարկավոր է, որ նրանք պատգամավորներ ունենան օրինակ խորհրդարանում:
«Մեծ թվով ալևի պատգամավորներ պետք է լինի,- ասել է Դեմիրթաշը: – Ալևիի, հայի, քրդի հոգսերը մեր հոգսերն են լինելու: Ձեռքի ձեռքի ենք տալու, պատգամավորներ ենք դարձնելու և ալևիներին, և հայերին»:
http://ermenihaber.am/?lang_id=2&news_=3&cur_news=2189