Թուրքիան պետք է առերեսվի Հայոց ցեղասպանության փաստին. Քյոլնում համաժողով է տեղի ունեցել

Քյոլնի համալսարանում կազմակերպվել է համաժողով, որը կրել է «Ցեղասպանություն, արդարարություն, առերեսում. 1915թ-ից մինչև Շենգալ» խորագիրը:

Ինչպես տեղեկացնում է Hyetert-ը, համաժողովի ընթացքում կարևորվել է Թուրքիայի՝ իր պատմության ընթացքում իրագործած ցեղասպանությանն առերեսվելու անհրաժեշտությունը:

Համաժողովն իրականացվել է Եվրոպայի Խաղաղության ու ժողովրդավարության խորհրդի նախաձեռնությամբ:

Այդ ընթացքում ելույթ է ունեցել նաև հրատարակիչ Ռագիփ Զարաքօլուն, ով նույնպես ճանաչում է Հայոց ցեղասպանությունը:

Վերջինս իր ելույթն սկսել է՝ պատմելով Թուրքիայի կողմից իրականացված Հայոց ցեղասպանության մասին ու նշել. «Թուրքիան Հայոց ցեղասպանությունը թաքցնել չի կարող: Այդ հարցում քրդերն էլ էին նրա գործընկերը, սակայն իրական պատասխանատուն Թուրքիան է»:

Նա նշել է, որ Թուրքիայում տեղի ունեցածը քրիստոնյաների՝ հայերի, ասորիների, հույների ցեղասպանություն էր, որը կարելի է անվանել ջիհադ՝ այն, ինչ այժմ տեղի է ունենում Սիրիայում:

«Հայկական հարցի մասին գրող մի շարք լրագրողներ ու մտավորականներ այժմ քննադատվում են, սպառնալիքներ են ստանում: Դա մի արշավ է: Նախագահ Էրդողանը դա որպես ցեղասպանություն չի բնութագրում, այլ խոսքեր է օգտագործում»,- ասել է նա:  

http://www.tert.am/am/news/2014/12/12/zarakolu-genocide/1534021