Կիրո Մանոյան. Ցեղասպանության 100-ամյակին մենք արդեն կխոսենք փոխհատուցման մասին

Հայոց ցեղասպանության 100-րդ տարելիցի գլխավոր նվաճումը կլինի այն, որ մեր ամբողջ ժողովուրդը կսկսի խոսել ոչ միայն դրա ճանաչման եւ ժխտման քրեականացման, այլեւ` հետեւանքների փոխհատուցման մասին: Այս մասին մամուլի ասուլիսում հայտարարել է Հայ դատի գրասենյակի ղեկավար Կիրո Մանոյանը:
«Մենք արդեն ակտիվորեն սկսել ենք համապատասխան միջոցառումներ անցկացնել, ստեղծել քաղաքական որոշակի տրամադրություն: Եվ դրա ապացույցն է այն, որ Թուրքիան արդեն փորձում է հակազդել այդ քայլերին», – նշել է Մանոյանը: Ըստ նրա՝ գլխավոր ձեռքբերումը կլինի այն, որ մենք արդեն կսկսենք խոսել ոչ միայն Ցեղասպանության ճանաչման եւ ժխտման քրեականացման մասին, այլեւ` Ցեղասպանության հետեւանքները փոխհատուցելու եւ վերացնելու: «Դա հասկանում են նաեւ Թուրքիան եւ այլ երկրները: Մեր գլխավոր խնդիրը պետք է լինի Թուրքիայի նկատմամբ պահանջների խստացումը», – ընդգծել է Մանոյանը:
http://news.am/arm/news/243410.html