Թուրքիայի, Ադրբեջանի ու Վրաստանի արտգործնախարարները Կարսում հռչակագիր են ստորագրել

Կարսում Թուրքիայի, Ադրբեջանի ու Վրաստանի արտգործնախարարների հանդիպումից հետո ստորագրվել է Կարսի հռչակագիրը. տեղեկացնում է ադրբեջանական ԱՊԱ գործակալությունը:
Փաստաթղթում նշվում է, որ կողմերը համագործակցելու են տարածաշրջանում կայունության, բարեկեցության ապահովման, տարածաշրջանային նախագծերի իրականացման, ազգերի միջև բարեկամական հարաբերությունների զարգացման հարցերում:
Փաստաթղթում ընդգծվում է նախորդ երեք նմանատիպ հանդիպումների ընթացքում ստորագրված Տրապիզոնի հռչակագրի, Բաթումի համատեղ կոմյունիկեի և Գանձակի հայտարարության կարևորությունը:
Նախարարները հայտարարարել են հակամարտությունների արագ կարգավորման անհրաժեշտության մասին, քանի որ դրանք խաթարում են խաղաղությանը, կայունությանն ու տարածաշրջանի տնտեսական զարգացմանը:
Կողմերը կոչ են արել կարգավորել Լեռնային Ղարաբաղի հակամարտությունն ու Աբխազիայի և Հարավային Օսիայի հարցերը լուծել միջազգային իրավունքի նորմերին համապատասխան:
http://www.tert.am/am/news/2014/12/11/kars-3/1532545