Դինքի սպանության համար դատապարտված Սամասթը կդատվի չափահասների հետ

Թուրքիայի վճռաբեկ դատարանի կողմից Դինքի գործով վճիռը բեկանվելուց հետո անչափահասների գործերով դատարանի կողմից դատապարտված Օգյուն Սամասթը կդատվի իր ավագ հանցակիցների հետ նույն դատարանում։
Թուրքական NTV-ի փոխանցմամբ՝ Ստամբուլի անչափահասների հանցագործությունների գործերով 2-րդ դատարանում ընթացող Հրանտ Դինքի սպանության գործով դատավարության ժամանակ որոշում է կայացվել, որ անչափահասների գործերով դատարանի կողմից դատապարտված Օգյուն Սամասթի գործը միացվում է Դինքի գործով ընդհանուր դատավարությանը։
Այսինքն, սպանության ժամանակ դեռեւս անչափահաս հանդիսացող Օգյուն Սամասթը կդատվի Դինքի սպանության գործով անցնող մյուս մեղադրյալների հետ։
Նշենք, որ Օգյուն Սամասթը դատապարտվել էր 22 տարի 10 ամիս ազատազրկման՝ Դինքի սպանությունն իրականացնելու մեղադրանքով։
http://news.am/arm/news/243264.html