18+. Ցեղասպանության մասին թուրք ռեժիսորի ֆիլմը թուրքական կինոթատրոններում ցուցադրվում է տարիքային սահմանափակումով

Հայոց ցեղասպանության մասին պատմող գերմանաբնակ թուրք ռեժիսոր Ֆաթիհ Աքընի “The Cut” ֆիլմն արդեն մի քանի օր է` ցուցադրվում է թուրքական կինոթատրոններում, տեղեկացնում է թուրքական Evrensel պարբերականը:
Ֆիլմը, սակայն, թուրք կինոգործիչների համոզմամբ, գրաքննության է ենթարկվել:
Այն կինոթատրոններում հայտնվել է +18 նշագրումով, որով տարիքային սահմանափակում է մտցվել: Եվրոպայում ցուցադրվելու ժամանակ “The Cut”-ը +12 նշագրմամբ է եղել:
Տարբեր մրցանակների դափնեկիր Ֆաթիհ Աքընի ֆիլմը պատմում է ծնունդով Մարդինից Նազարեթի մասին, որը ցեղասպանությունից փրկվելով՝ փորձում է գտնել ընտանիքին՝ Միջագետքի անապատներից հասնելով Հավանա:
http://www.tert.am/am/news/2014/12/08/fatih-akin-18/1528948