Թուրքիայի երիտասարդական միության ղեկավար Չաղդաշ Ջենգիզը, մասնակցելով Մյունխենում կազմակերպված «Աթաթուրքը և երիտասարդությունը» խորագրով համաժողովին, իր ելույթում անդրադարձել է Հայոց ցեղասպանության գալիք հարյուրամյակին:
Ինչպես տեղեկացնում է թուրքական «Հաբեր 1» լրատվական կայքը, Ջենգիզը ներկաներին հավաստիացրել է, թե իրենք լրջորեն են պատրաստվում հակադարձել ցեղասպանությունը միջազգայնորեն ճանաչել տալու հայկական գործողություններին: Եվ ահա ծրագրել են 2015-ի ապրիլի 23-ին Թուրքիայի մայրաքաղաքում մի հզոր ցույց կազմակերպել:
Իսկ քրդական հարցի կարգավորման վերաբերյալ Ջենգիզը նշել է, որ երկրի արևելյան շրջաններում բնակվող քրդերի մեծ մասը համամիտ չէ անջատողականների հետ: Ըստ նրա, եթե այսօր հանրաքվե անցկացվի, քրդերի հազիվ 3-4 տոկոսը կողմ կքվեարկի Թուրքիայից բաժանվելու օգտին:
http://ermenihaber.am/?lang_id=2&news_=4&cur_news=2010
Թուրքիայի երիտասարդական միությունը ծրագրում է 2015-ի ապրիլ 23-ին հզոր ցույց կազմակերպել Անկարայում
•
Leave a Reply