Դավութօղլուից պահանջում են ազատել գլխավոր խորհրդական Էթյեն Մահչուփյանին

Թուրքիայի վարչապետի նորանշանակ հայազգի գլխավոր խորհրդական Էթյեն Մահչուփյանի հայտարարությունները «Մեծ կաշառք»-ի վերաբերյալ դժգոհություն են առաջացրել իշխող Արդարություն եւ զարգացում կուսակցության պատգամավորների մոտ։
Թուրքական Sözcü պարբերականի փոխանցմամբ՝ Թուրքիայի նախագահական նստավայրից եւ իշխող կուսակցության պատգամավորներց բողոքներ են ուղղվել երկրի վարչապետ Ահմեդ Դավութօղլուին՝ պահանջելով ազատել նրա նորանշանակ գլխավոր խորհրդական Էթյեն Մահչուփյանին։
Իշխող կուսակցության պատգամավորներին խիստ անհանգստացրել է Մահչուփյանի այն հայտարարությունները, որոնցում նա ասում է, թե ժողովուրդը հավատում է, որ իշխող կուսակցության անդամները ներգրավված են եղել «Մեծ կաշառք»-ի գործում։
Նշենք, որ 2013-ի դեկտեմբերի 17-ին Թուրքիայի մի շարք վայրերում տեղի է ունեցել համաժամանակյա գործողություն, որը ստացել է «Մեծ կաշառք» անունը։ Գործողության ժամանակ ձերբակալվել եւ այնուհետ կալանավորվել են նախարարների որդիներ, գործարարներ եւ պաշտոնյաներ։
http://news.am/arm/news/242451.html