Մահչուփյանը սկանդալային հայտարարություն է արել` Օջալանի հետ կապված

Թուրքիայի վարչապետ Ահմեդ Դավութօղլուի գլխավոր խորհրդական Էթյեն Մահչուփյանի հայտարարությունը Իմրալը բանտում ցմահ ազատազրկման դատապարտված PKK-ի առաջնորդ Աբդուլլահ Օջալանի վերաբերյալ մեծ իրարանցում է առաջացրել Թուրքիայում։
Թուրքական Sozcu պարբերականի փոխանցմամբ՝ Թուրքիայի վարչապետի գլխավոր խորհրդական, ազգությամբ հայ Էթյեն Մահչուփյանը մի հեռուստահաղորդման ժամանակ անդրադարձել է Թուրքիայի ներքաղաքական խնդիրներին, որի ընթացքում խոսել է քրդական հարցի կարգավորման նախաձեռնությունից։
Մահչուփյանը, քրդական հարցի կարգավորման մեջ կարեւորելով Աբդուլլահ Օջալանի դերը, ասել է, թե նա եզակի մարդկանցից մեկն է, ով 10 տարվա ընթացքում կարողացել է փոխել տալ իր նկատմամբ հասարակության վերաբերմունքը։
«Աբդուլլահ Օջալանը, իրոք, գաղափարական առաջնորդ է։ Օջալանը շատ մեծ հեղինակություն ունի։ Դա, իհարկե, ինքն է ստեղծել։ Նա շատ կորցնելու բան չունի։ Նա աշխարհի մասշտաբով խնդրի կրող է, առաջնորդ եւ եթե այդ խնդիրը լուծի, կանցնի պատմության մեջ։ Աբդուլլահ Օջալանին ինչ-որ բան տալու կարիք չկա, նա վերցնում է առանց դա էլ։ Եւ դրանով նա դառնում է խարիզմատիկ առաջնորդ»,-ասել է Էթյեն Մահչուփյանը։
http://news.am/arm/news/242239.html