Հայկական կողմին պարզած մեր ձեռքն անպատասխան է մնում. Չավուշօղլուն՝ Հռոմի պապի` սահմանը բաց տեսնելու ցանկության մասին

Անդրադառնալով ռուսական գազի գնի 6 տոկոս նվազման մասին Պուտինի հայտարարությանը՝ Չավուշօղլուն նշել է, որ իրենք բանակցում են ավելի մեծ զեղչի հասնելու համար:
Մեկնաբանելով Հռոմի պապ Ֆրանցիսկոսի հայտարարությունն այն մասին, որ կցանկանար հայ-թուրքական սահմանը բաց տեսնել, Չավուշօղլուն ասել է. «Դա Պապի ցանկությունն է: Մենք էլ ենք դա ուզում, սակայն Հայկական հարցի առնչությամբ միշտ Թուրքիան է քայլ կատարում: Հակառակ կողմից ձայն դուրս չի գալիս, և մեր պարզած ձեռքն անպատասխան է մնում»:
Հիշեցնենք, որ Թուրքիա կատարած այցի ավարտին Հռոմի պապ Ֆրանցիսկոսը նշել էր, թե ցանկանում է բաց տեսնել հայ-թուրքական սահմանը: Թուրք ազգայնականներն արդեն կոշտ արձագանք են տվել նրան՝ նշելով, որ դա նրա գործը չէ:
Չավուշօղլուն նաև խոսել է սպորտի մասին՝ նշելով, որ ֆուտբոլով չի հետաքրքրվում, և վաղուց ի վեր գոլֆ է խաղում: Նա նաև ԱՄՆ նախագահ Բարաք Օբամայի հետ գոլֆ խաղալու ցանկություն է հայտնել՝ Թուրքիայում ակնկալվող G20 գագաթաժողովի շրջանակներում:
http://www.tert.am/am/news/2014/12/03/chavushoglu-border/1523615